У мэтах экалагічнай асветы і выхавання, а таксама далучэння насельніцтва да аховы навакольнага асяроддзя і рацыянальным выкарыстанні прыродных рэсурсаў, пастановай Савета Міністраў Рэспублікі Беларусь ад 2013/06/20 № 504 зацверджана
Палажэнне аб парадку дзейнасці грамадскіх эколагаў. Дзякуючы гэтаму, кожны добрасумленны грамадзянін Рэспублікі Беларусь можа стаць на абарону навакольнага асяроддзя ў якасці грамадскага эколага і прымаць актыўны ўдзел у прыродаахоўнай справе.
Як стаць грамадскім эколагам Мінскай вобласці?
Грамадзяне залічваюцца ў склад грамадскіх эколагаў Мінскай вобласці загадам Старшыні Мінскага абласнога камітэта прыродных рэсурсаў і аховы навакольнага асяроддзя па прадстаўленні начальнікаў структурных падраздзяленняў камітэта, начальнікаў раённых інспекцый прыродных рэсурсаў і аховы навакольнага асяроддзя неабходна звярнуцца ў камітэт або ў раённую (па месцы жыхарства) інспекцыю прыродных рэсурсаў і аховы навакольнага асяроддзя прадаставіць наступныя дакументы:
- заява кандыдата ў грамадскія эколагі на імя старшыні Мiнскага абласнога камітэта прыродных рэсурсаў і аховы навакольнага асяроддзя;
- характарыстыка з месца працы (навучання) або месца жыхарства, дзе ўказваецца, якімі ведамі і вопытам у галіне аховы навакольнага асяроддзя і рацыянальнага выкарыстання прыродных рэсурсаў валодае кандыдат у грамадскія эколагі;
- дзве фатаграфіі 3 × 4 (каляровыя).
Ўсе заявы якiя паступілі разглядаюцца, і пасля вывучэння дзелавых і маральных якасцяў кандыдата, а таксама на падставе прадстаўлення начальніка структурнага падраздзялення, грамадзянін можа быць залічаны ў грамадскія эколагі загадам старшыні Мінскага абласнога камітэта прыродных рэсурсаў і аховы навакольнага асяроддзя.
Згодна з артыкулам 15.1 Закона Рэспублікі Беларусь "Аб ахове навакольнага асяроддзя» ад 26 лістапада 1992 г. № 1982- XII грамадскімі эколагамі могуць быць дзеяздольныя грамадзяне Рэспублікі Беларусь, якія выказалі жаданне добраахвотна і бязвыплатна аказваць садзейнічанне Міністэрству прыродных рэсурсаў і аховы навакольнага асяроддзя Рэспублікі Беларусь і яго тэрытарыяльным органам у ажыццяўленні дзейнасці па ахове навакольнага асяроддзя і рацыянальным выкарыстанні прыродных рэсурсаў.
Грамадскія эколагi маюць права:
- аказваць садзейнічанне Міністэрству прыродных рэсурсаў і аховы навакольнага асяроддзя Рэспублікі Беларусь і яго тэрытарыяльным органам у правядзенні прыродаахоўных мерапрыемстваў;
- ўдзельнічаць у распаўсюдзе экалагічнай інфармацыі;
- аказваць садзейнічанне Міністэрству прыродных рэсурсаў і аховы навакольнага асяроддзя Рэспублікі Беларусь і яго тэрытарыяльным органам у прапагандзе і выхаванні ў грамадзян беражлівага стаўлення да прыроды, павышэнні іх экалагічнай культуры.
Заканадаўствам Рэспублікі Беларусь могуць быць вызначаны i iншыя правы грамадскіх эколагаў.
Грамадскія эколагi абавязаны:
- ведаць заканадаўства Рэспублікі Беларусь аб ахове навакольнага асяроддзя i рацыянальным выкарыстаннi прыродных рэсурсаў і выконваць яго патрабаванні;
- паведамляць пра факты парушэння заканадаўства Рэспублікі Беларусь аб ахове навакольнага асяроддзя i рацыянальным выкарыстаннi прыродных рэсурсаў у Міністэрства прыродных рэсурсаў і аховы навакольнага асяроддзя Рэспублікі Беларусь або яго тэрытарыяльныя органы;
- даваць справаздачу аб праведзенай рабоце перад тэрытарыяльнымі органамі Міністэрства прыродных рэсурсаў і аховы навакольнага асяроддзя Рэспублікі Беларусь.
На кожнага грамадскага эколяга заводзіцца рэгістрацыйная картка, у якую ўносяцца:
- пашпартныя дадзеныя;
- дата нараджэння;
- хатні адрас і кантактны тэлефон.
Кожнаму выдаецца пасведчанне грамадскага эколяга тэрмінам дзеяння на 3 гады з правам падаўжэння.
Конкурс на лепшага грамадскага эколяга
Пастановай Міністэрства прыродных рэсурсаў і аховы навакольнага асяроддзя Рэспублікі Беларусь ад 2013/08/26 № 46 «Аб некаторых пытаннях дзейнасці грамадскіх эколагаў» зацверджана Інструкцыя аб парадку арганізацыі і правядзення рэспубліканскага конкурсу на лепшага грамадскага эколяга.
Конкурс праводзіцца ў мэтах:
- прапаганды ведаў у галіне аховы навакольнага асяроддзя і прыродакарыстання і фарміравання экалагічнай культуры;
- захавання і аднаўлення прыроднага асяроддзя, рацыянальнага (устойлівага) выкарыстання прыродных рэсурсаў;
- павышэння эфектыўнасці работы грамадскіх эколагаў па ахове навакольнага асяроддзя і рацыянальным выкарыстанні прыродных рэсурсаў;
- вывучэння і распаўсюджвання перадавога вопыту работы грамадскіх эколагаў;
- маральнага і матэрыяльнага стымулявання грамадскіх эколагаў.
Падаць заяўку на залiк ў склад грамадскіх эколагаў Мінскай вобласці:
